DRITARET E SHIUT
Nga vëllimi”Dritaret e shiut”
(albin, Tiranë ,2000)
_
1. GARA
Gjithmonëmë del dikush përpara
diçka do t’I ndodhë kalit tim të shpejtë
kurrize shikoj në start e në fund
e ata shkimëzojnë nga kënaqësia
që pas më lënë
u vonova
ndanë rrugës këputa një manushaqe
për të dashurën që më priste krahëhapur
ndala kalin dhe putha një fëmijë me sy të kaltër
i vetmi që më përshëndeste me duar të karafilta
në një udhëkryq
një lypës më priste me duar të shtrira
u vonova
dhe me një fije bari
që kish varur në qafë një rrile me tinguj të gjelbër
e kali shtangu
tani jam I lumtur,pa ziliqarë
kam vetëm një të dashur
një fëmijë sykaltër
një lypës
dhe nje fije bari
2.LUMI IBËR
I vetmi lumë në Evropë
që shket në shtrat të florinjtë
Ibër,
Klithmë e mbytur që përplaset me vrull
E rrotillohet nëpër brinjët e kombirt
….
Çdo mënges lufte turbullohet Ibri
E bashkë me trungje nxjerr kufoma shqiptarësh në breg
Yjet piramida të përmbysura
U mbytën në lumë
Më pret e dashura krahëhapur matanë
E hidhem mbi kurrize yjesh si urë
***
Dy buzë të prushta presin të puthen
***
Lumi Ibër shket mbi shtrat të florinjtë
E bashkon dy buzë
3.TATUAZH DASHURIE
Kaprolli I brishtë përplasi brirët mbi një kryq vetëtime
Zigzaket e zjarrta copa copa
Pluhur e hi u bënë në tokë.
Dikush foli për marrëzi
Dikush për akt të pashembullt heroik
Dikush për brirë të fortë
Ne brinjën e kaprollit vetëtima kish stamposur
Fytyrën e një drenushi si tatuazh hyjnor
Drenushi buzëqeshte në gjumë
4.VDEKJA
Qiriri I bukur përdredhur prej dylli
Fitilin e vdekjes ka në mes
Ajo flaka
Unë dulli
Ç’kuptim ka qiriri po s’u ndez ?!
5.VETVRASJA E FISIT
….
Ra zjarri në një pemë
E flokët iu përcëlluan në flakë
(një boçe pishe kish kujtuar se u poq
E tutje,
Heroikisht, kish shpërthyer si bombë)
…
Thonë se këtu ka qenë një pyll me pisha
6.GJURMË MONOTONE
Në Athinë shkova me një grua
E brishtë ishte si shiu
Dhe flokët i vareshin si ujvarë
Iu turra I etur
Ta pija ujvarën krejt
Gjunjët e saj shkëlqenin nga shiu
Ndeza një cigare BF
Cigare monotone
Në një shkëndi ylli monoton
Në kthim nëpër gjurmët e mia
Kish rënë borë monotone si zakoniosht
Shiu ëshe ndryshe dhe muzgjet
Ndryshe janë
7.GJAKMARRJA
Nuk qe vrasje me kanun
E korbat u veshën me të bardha.
Gjaksi kish ecur nëpër gjurmët e hënës
***
Hëna me faqe të zbetë
U ngujua në një dhomë moderne
Dhe në pasqyrë shikonte kafkën e vet
***
Një përrua I verbër
Grreu sheshin kryesor të qytetit
Kur një ujk tinzar
Flinte I qetë në zyrë
***
Mëngjezi e nxorri kafkën e hënes në breg
***
Të lutem,o hëna ime
Mos fli më me ujq!
8.MANI I ZI
Mani im I zi në mes të oborrit
Moshën e fsheh me emra baballarësh të lashtë
Hija e tij
Me rrënjë degë e gjethe
Më ka mbirë në shpirt
Më pika gjaku I rrir frutat e si nikoqir
I fsheh nën fletë
Kur I pjek të ëmbla e të kuqa
Si bllaca gjaku I hedh mbi pllakat e oborrit
Çdo korrik
Një kokërr mani kur vija në gojë
Më gjakoste buzë e gishtërinj
I plagosur isha
Sikur lufta kish kaluar në oborrin tim çdo korrik
Babai I rraskapitur gjer në muzg
Bereqetin e vitit e maste me raki
Mbushte filxhanin e bardhë e më thosh”
Ky man na mban gjallë
Ti pse nuk pi?!”
9.DY PASQYRA
(E mikut)
Po prefeksionohet dhe miku
Si teknologjia e xhamit
Si kamerat televizive
Fytura ime për të shkëlqen
Plot ngjyra e drita..
Po ç’dreqin e dua këtë fytyrë
Pa rrudhat pa brengat
Pa lotin e përhershëm që më flë në qerpik?
(E armikut)
Jam I qetë në pasqyrën e tij
Ai më ruan në bebe të syrit me zili
Syri I tij vyshket e kalbet
1. Nëse nuk notoj unë në solucionin e zi
***
Unë I dëgjoj I menduar
Dhe I fal
Që të dy.
10.KËMBËNGULJA E KRIMBIT
Krimbi ecën ecën deri në grahmën e fundit
I vendosur
I përpiktë
Më nofulla të mishta
Ngjitet majë plehut
E zbret deri te kufoma
Kudo lind krimba të vegjël
Dhe ha
Krimbat nisen persëri
Këmbëngulës
Nëpër lartësi të reja
11.ORTEKU
Befas,majë malit klithi një thëllëzë
E alarmuar
U tremb një grimcë bore
Dhe brofi në këmbë
Verbërisht u nis orteku
E mali I bardhë tatëpjetë brufulloi me gjëmë
Qerpikët e borës u bënë brirë të tmerrshëm mali
Rrafshuan pemë,shkëmbenj e shtëpi
Kish klithur befas një thëllëzë.
12.E DIEL,4 mars 1997
(pas Krishtit)
Edhe sot barbarët nuk bënë pushim
Shpata e jataganë kishin në duar
Dhe kryqe mbi kurris
Këmba këmbës më ndoqën barbarët në Athinë e Vashington
Edhe sot
Dogjën një bankë dhe zyrën e tapive
E portat e burgut I çanë
I pashë tek rrethuan Akropolin e lashtë
Dhe Statujën e Lirisë e shkelën me kryq
M’I shkallmuan portat e qytetit
Bedenat e brinjëve m’I thyen
e mëlçinë ma shpuan me kryqin e kuq në kurris
***
S’kishin faj barbarët
***
Kisha mbartur qytetin tim
Të tërin me vete
Kudo që vajta,në Athinë e Vashington
Dhe turmën e barbarëve,natyrisht
13.MURET
Ishin ndërtuar fshehtas
Shtete të tërë kishin rrethuar
Në turnet e natës me ushtarë
Rrëzimi I zhurmshëm po bëhej
Nën kamera televizive…
Kurbane të mëdha ishin bërë në themele
Dhe unë e murosa të dashurën time
Veshur me vello nusërie
Prerë nga perëndimi I gjaktë
I atij dielli që na zhgënjeu
Në anën time të murit
Ushtarë metalikë
Ruanin të mos fluturonte asnje zog
Të mos mbinte asnjë karafil
Asnjë bisk manushaqeje
Në anën time ose zonën e vdekjes
Ranë muret
I zbërthyen kapakët e rënde të betonit
Me gishta të hekurt dashnorët
Me gishta eshtrash pleqte e ndarë
Karafilat dhe manushaqet e brishta
Kishin mbirë mbi rrudha gurësh
Dhe gurët u çanë
Unë vrapova I pari
Me buzët thela thela nga etja
Në luginën e qumështit
Binin copa copa të bardha gjiri
Dhe zogj të verbuar nga drita
Asnjë nga ndërtuesit e tij
Nuk zuri muri nën vete
Përsëri orakujt dhe strategët e pabesë
U kishin thënë grave të tyre
Të mos ta sillnin bukën atë mëngjes
Nëpër gurë rrënojash
Përsëri e dashura ime qe plagosur
Kish vrapuar para meje
Me një sandale të hollë në këmbë
Me vello të bardhë nusërie
Spërkatur me manushaqe të brishta
Mbirë fshehtas
Mbi plasa gurësh të rëndë.
14.MUZEU KOMBËTAR
I PUNËVE SPECIALE
Ndryshe quhej
Muzeu I organeve të brendëshme
Në këtë sallë njëzet me njëzet
Organet e brendëshme mungojnë
Këtu
Nëper muret e bardhë
afishohen vetëm lëkurët
lëkurë dhelprash,milingonash,ujqish
dhe qëngja rudë.
Ketu ka hetues
Varrmihës
Dhë gjymtyrë dinosoarësh
Asnjë gjethe ajri
Asnjë pikë dielli
Asnjë yll prej balte
Dhe lëkura e hënës prerë thela thela
Me lëkurën e hënës
Bëhen gëzofë të shtrenjtë
Në cermonialin e ditës
Silueta njerëzish,mobiljesh,udhëheqësish
A kufoma të gjalla
Zgërdhijnë të sigurtë e të kënaqur
Ose shtërngojnë dhëmbët nfa urrejtja
Ose presin radhën
Armiku I klasës si lakuriq nate
Ishte varur në ajr
I mundur
I frikshëm
***
Mora masat e lëkurës sime
Dhe e vara në mur
Këtu ka hapësirë për të gjitha lëkurët
Dola nga muzeu
Me një korb të zi në sup
Ishte yni ai korb
I bukur,vigjilent me sqep të verdhë
I gatshëm të më vizitonte në çdo çast
Zemkrën
Mëlçinë
Zorrët
Të gjitha organet e mia
Të mishta
Të lakuriqta.
15.MUZGU I BALADAVE
Na kish mbetur e gjallë Dorontin ndaj
E thirrëm të kalëronte mbi nj e kalë të vdekur
Ta digjte vellon e nusërisë
Të pëlciste si qelqe me verë
***
Na duhej një baladë
Të fliste nga rrasa e varrit
Të pillte të tjera balada
Të vriteshin të tjerë e të tjerë
Me besa besë nën shira gjaku
Nën hi.
Brenda vetvetes nuk mund të rrinim pa thyer diçka
Një brinjë,dy brinjë tre..
Dhe ngjalleshim nëpër varre
Me thirrje të kota
Me emra princësh e mbretërish egoistë
Nën mjegulla të gjakta
Nën shi.
Me gurë rrënojash ngritëm kështjella
E përsëri balada
Për gurët e përgjakur që kishin qëndruar
Që kishin qëndruar heroikisht me thonj e me dhëmbë.
Rozaha duhet ta linte foshnjën në gjumë
S’na duhej qumështi I bardhë I nënës
Na duhej nje gji I gurtë
Që pikon lëng gëlqereje
Të pinin baladat dalëbese
Ne gji të gurtë zëmërak.
Buzë mëngjezeve të kuqërremtë
Dhe dasmat do t’I bënim me pushkë
Do martoheshim me xhinde e shtojzavalle
e nuset e bukura
Do t’I mbulonim me duvak të kuq.
E ato syshkruarat
Me lot do ta çanin syrin e zi…
Fisi im
I gurtë
I pakur
I rralluar
me brinjë të thyera një ,dy
Nën mjegulla
e shira të gjaktë
***
Këtë vit nuk do të mbjellim balada
Po grurë
Ndoshta nga qielli
Do të bien shira prej shiu.
16.DUARTROKITJE
Turma u mblodh në mes të qytetit
Të përuronte pavdekësinë e tij
Monumentin prej guri
Duart ishin të gurta
Dhe duartrokitjet
Dhe flokët e tij
Dhe sytë
Dhe zemra
dhe kafkat e turmës të gjitha prej guri
dhe puthjet
dhe kokrra e grurit
dhe kënga e zogjve që çukisnin me sqep
thërrime buke të gurtë
ishte koha e gurit
me Keopsin dhe piramiodat prej guri
mbartur në sup nga skllevër shkretëtirash
perbrenda
murosur kafka e bukur e Abelit
duartrokitjet e gurta vazhdojnë
përditë
thyhen duar të gurta..
Nuk mund ta besoja se do të ribashkohesha ndonjëherë me ish të dashurin tim, isha aq i traumatizuar duke qëndruar vetëm pa një trup që të qëndronte pranë meje dhe të ishte me mua, por jam aq me fat që një ditë takova këtë mjek magjistar të fuqishëm. Ediomo pasi i tregova gjendjen time ai beri cdo gje qe te me kthente te dashurin, ne fakt pasi beri magjine me u kthye ish i dashuri ne me pak se 48 ore, ish djali u kthye duke lypur. mua se nuk do me linte kurre, pas 3 muajsh u fejuam dhe u martuam nese situata juaj eshte e njejta. Ai është shumë i fortë në punët e tij;
ReplyDelete* dua magjinë
* nëse doni të riktheni ish-in tuaj
* Stop divorcit
* thyej obsesionet
* shëron goditjet në tru dhe të gjitha sëmundjet
* magji mbrojtëse
* problemet me infertilitetin dhe shtatzëninë
Kontaktoni Dr. Ediomo përmes emailit: drediomo77@gmail.com
Faleminderit shumë zotëri që më ktheve tek unë ish-dashnorin tim, emailin e tij: drediomo77@gmail.com ose telefononi/whatsapp: +2349132180420
+2348155926512